Вардар ја оствари четвртата победа во новата сезона совладувајќи го Борец со 0-2 во Велес, во премиерниот меч од 12.коло во Првата фудбалска лига. Јован Попзлатанов и Матеј Цветаноски беа стрелци на головите за вардарци на овој меч.
Попзлатанов го отвори резултатот во 80.минута, а Цветамоски го потврди триумфот во судиското продолжение. Со оваа победа „црвено-црните“ на најубав можен начин му го честитаа 41. роденден на тренерот Александар Васоски и со 16 освоени бода сега се искачува кон горниот дел од табелата.
Борец имаше повеќе од играта во првиот дел, беше поопасен кон голот на Филип Илиќ, избраниците на Горазд Михајлов немаа и среќа, ја погодија рамката од голот на Вардар – Марјан Ристовски од слободен удар во 63.минута, но најтрофејниот клуб ги дочека своите моменти во финишот и со головите на Попзлатанов и на Цветаноски.
