Младата фудбалска репрезентација на Македонија до 21 година ремизираше (1-1) на гости против Фарски Острови во третиот меч од квалификациите за ЕП 2023. Селекцијата на Драги Канатларовски нема победа по три меча и ќе се обиде да оствари триумф на следниот дуел против Ерменија.
Не беше лесно во Клаксвик како што некои замислуваа, а Фарски Острови поведе со голот на Андрас Јохансен во осмата минута. Македонија не успеа да возврати до одморот.
Во второто полувреме Канатларовски направи неколку промени и нашата селекција почна да функционира подобро. Успеавме да израмниме до голот на Марко Ѓорѓиевски во 55.минута, на асистенција на Антовски. До крајот, сепак, Фарски Острови успеа да го сочува ремито.
Тимови
