Португалскиот ас Кристијано Роналдо уште еднаш го покажа својот победнички карактер. Иако не реализира пенал во 15.минута, во самиот финиш успеа да постигне два гола за триумф на селекцијата на Португалија (2-1) против Република Ирска. Воедно, со овие голови Роналдо го урна и рекордот на Али Даеи како најдобар светски голгетер во репрезентативниот фудбал.
„Во фудбалот мора да веруваш до крај дека можеш да победиш. Не реализирав пенал и искрено, бев разочаран десетина минути. Но, потоа животот оди понатаму, а многу ги посакував победата и рекордот. Се трудевме, баравме начин за гол до самиот крај и тоа на крај се исплатеше“, изјави Кристијано Роналдо.
