Италијанскиот првак Јувентус оствари триумф (1-3) на гости против Џенова и се искачи на четвртата позиција на табелата во Серија А со 23 бода. Кристијано Роналдо двапати стрелаше од пенал и го прослави стотиот настап во дресот на „старата дама“, а првиот гол беше дело на Пауло Дибала.
Џенова успеа да израмни преку Стефано Стураро во 61.минута, но не можеше до крај да одолее на притисокот на Јувентус. Горан Пандев влезе во игра во 82.минута, но не успеа да стори ништо повеќе пред голот на Шчешни.
