Кристијано Роналдо ќе го продолжи договорот со Ал-Наср до јуни 2026 година, по шпекулациите околу неговата иднина, објави португалскиот весник „А Бола“, повикувајќи се на извори од Саудиска Арабија.
Тековниот договор на Роналдо со Ал-Наср истекува на крајот од оваа сезона. Според новиот договор, тој ќе продолжи да заработува 200 милиони евра годишно, што значи 16,67 милиони евра месечно, 3,88 милиони евра неделно и 555.555 евра дневно.
Овој износ би можел да се зголеми со дополнителни бонуси за потпишување и приходи од комерцијални активности и авторски права.
Саудискиот весник „Ал Кхабара“ истакнува дека Ал-Наср се обврзал да го зајакне тимот и да го направи поконкурентен, бидејќи во моментот заостанува девет поени зад лидерот на лигата, Ал-Итихад.
Роналдо продолжува со извонредни настапи оваа сезона, постигнувајќи 17 голови и три асистенции на 20 натпревари. Вкупно, откако се приклучи на Ал-Наср, постигнал 81 гол на 90 натпревари.
