Работнички продолжи со победнички ритам и после репрезентативната пауза. „Романтичарите“ од денеска се единствениот непобедлив тим во Првата фудбалска лига. Во првите десет кола, не се најде тим што ќе го порази составот на Горан Станиќ.
Работнички денеска на Националната арена „Тодор Проески“ го победи Гостивар со 1-0 и се зацврсти на врвот на табелата во македонскиот шампионат со 22 бода. На рака им одеа и другите резултати.
Шкендија ремизираше без голови против Тиквеш, а Струга ТЛ загуби убедливо на домашен терен од Силекс со 1-4. Шкупи, исто така освои само бод на гости против Пелистер во Битола.
„Романтиката“ блеска на почетокот на новата сезона, веќе не е ниту пријатно изненадување, туку Работнички е сериозен кандидат за шампионската титула… доколку продолжи во ова темпо.
