Фудбалерите и стручниот штаб на Работнички имаа ден за рекреација по вчерашниот пријателски натпревар против Борец (1-1). Активниот одмор го искористија да се качат на Милениумскиот крст на Водно, секако користејќи го убавото сончево време за тим – билдинг и дружба.
Од Водно и Европа се гледа, но треба да се „улови“ со добри пролетни резултати. Есента и не беше премногу успешна, па ќе мора избраниците на Александар Влахо добро да се потрудат, ако сакаат да изборат пласман на меѓународна сцена.
