Македонскиот прволигаш Работнички закажа шест пријателски натпревари преку кои ќе ја темпира формата за пролетниот дел од првенството во Првата лига. „Романтичарите“ првиот тест ќе го имаат на 20.јануари против Борец, а три дена подоцна ќе спарингуваат со второлигашот Тетекс.
На 26. јануари тимот ќе замине на подготовки во Охрид, а ден подоцна е закажан тестот со Ренова. На 30.јануари Работнички ќе одигра пријателски натпревар против Струга Трим Лум, на 3. фавруари ривал ќе биде Пелистер, а последната контрола пред стартот на пролетниот дел од шампионатот ќе биде на 6.февруари, против тимот на Тиквеш.
Работнички досега во зимскиот преоден рок доведе шест засилувања во составот.
