Рома планира да испрати официјална понуда за играчот од средниот ред на Интер, Давиде Фратези, бидејќи сопственикот на „волчицата“, Ден Фридкин, инсистира трансферот да биде реализиран.
Според италијанската верзија на „Скај Спортс“, Рома е подготвена да испрати првична понуда за италијанскиот репрезентативец, но нема да застане тука. Фридкин е решен да ја врати довербата на навивачите, кои се разочарани од слабите резултати на тимот оваа есен.
Римскиот клуб има намера да ја плати трансферната сума на рати, а во договорот би можеле да бидат вклучени и играчите Брајан Кристанте или Лоренцо Пелегрини.
Интер бара 45 милиони евра за Фратези оваа зима. Фудбалерот за врска, кој поминал три години во младинската академија на Рома, бара тим каде што ќе добие повеќе шанси за настап како стартер. Неговиот агент, Бепе Ризо, веќе разговарал со директорот на Рома, Флорен Гисолфи, а се очекува во наредните денови да се одржат нови преговори меѓу двете страни, иако процесот не се очекува да биде лесен.
