Поранешниот менаџер на Брајтон, Роберто де Зерби, би можел да го води Јувентус, пренесуваат медиумите на Островот. Раководството на торинскиот тим ја разгледува можноста да го покани 44-годишниот стратег по отказот за Масимилијано Алегри.
Италијанецот беше на кормилото на Брајтон од 2022 година и ги водеше „галебите“ до крајот на сезоната 2023/24. Претходно беше тренер на Фоџа, Палермо, Беневенто, Сасуоло.
Под негово водство, Брајтон се етаблираше како еден од најтешките ривали во Премиер – лигата, а клубот направи извонреден европски пробив, стигнувајќи до четвртфиналето на Лига Европа.
