Македонија остана непоразена против Словенија (1-1) и со четири бода има одличен старт на новиот квалификациски циклус за ЕВРО 2020. Задоволството е присутно кај фудбалерите и стручниот штаб, но и мнението дека можеби можеше да се оствари и триумф на гостувањето во Љубљана.
Стефан Ристовски вели дека Македонија сепак го потврди својот квалитет и на дуелот против Словенците.
„Очекувавме тежок натпревар, Словенија е квалитетна селекција. Но, и во Љубљана го покажавме својот квалитет. Според шансите, можеби бевме поблиску и до победа. Но, не треба сега да летаме и во облаци. Четири бода се убав старт на овој квалифицикациски циклус“, изјави Стефан Ристовски по натпреварот со Словенците.
