Шпанскиот гигант Реал Мадрид полека се „лади“ за ангажманот на Килијан Мбапе. Тој е еден од најдобрите напаѓачи во светот, но исто така и еден од најскапите. Флорентино Перез ја разгледува опцијата да го купи норвешкото голгегерско чудо Ерлинг Халанд кој е реално многу подостапен во финансиска смисла.
Трансферот на Мбапе следното лето би чинел околу 120 милиони евра, а фудбалерот бара неверојатна годишна плата од 37 милиони евра. Тоа ќе ја наруши структурата на финансиските договори што го имаат и останатите фудбалери во „кралскиот клуб“.
Мино Рајола, агентот на Халанд, веќе остварил контакти со раководството на Реал Мадрид и најавил дека фудбалерот е заинтересиран да се пресели на „Сантијаго Бернабеу“. Отштетната клаузула што Халанд ја има во договорот со Борусија Дортмунд изнесува 75 милиони евра, а фудбалерот бара „само“ 12 милиони евра годишно.
„Кралевите“ од следната сезона повторно ќе го имаат товарот да го плаќаат комплетно и Герет Бејл кој речиси сигурно ќе се врати во Мадрид по позајмицата во Тотенхем. Жозе Мурињо веќе најави дека нема да го задржи и следната сезона.
