Шпанскиот и европски првак Реал Мадрид постигна договор за личните услови со една од своите основни трансферни цели за ова лето. „Марка“ тврди дека станува збор за Лени Јоро, кој е силно посакуван од „кралскиот клуб“ во последните неколку месеци.
18-годишниот дефанзивец е идентификуван како основен приоритет за засилување на одбраната на тимот. Шпанското издание соопштува дека веќе оваа недела Реал ќе направи голем чекор кон ангажманот на централниот бек на Лил.
Претседателот Флорентино Перез и неговите претставници веќе постигнале договор со Јоро и неговите агенти за трансфер на „Сантијаго Бернабеу“.
Сепак, Реал прво ќе ја објави разделбата со капитенот Начо Фернандез, а потоа „кралевите“ ќе преговараат со Лил за сумата на трансферот на Јоро.
