Размоски од Беласица прво засилување за Пелистер

Македонскиот прволигаш Пелистер го доведе првото засилување во зимската пауза. Нов фудбалер на битолскиот тим е Дарко Размоски кој доаѓа од редовите на Беласица.

Размоски треба да ја засили офанзивата на Пелистер и треба да ја пополни празнината по заминувањето на Љавдрим Фазлиу кој се наоѓа пред потпис со Шкупи.

Пелистер го напушти и дефанзивецот Борха кој се пресели во Борец. Битолчани првиот дел од сезоната го завршија на десеттото место на прволигашката табела со 18 освоени бода.