Менаџерот на Манчестер Јунајтед, Ралф Рангник, е назначен за нов селектор на фудбалската репрезентација на Австрија. Тој на крајот од сезоната ја напушта клупата на Манчестер Јунајтед, а ќе ѝ се приклучи на Австрија на крајот на мај за првите натпревари во Лигата на нации на УЕФА против Хрватска, Данска и против Франција.
Рангник потпиша двегодишен договор со Австрија, кој автоматски ќе биде продолжен за уште две години доколку селекцијата обезбеди пласман на за Европското првенство во 2024 година.
Германецот покрај ова ќе ја извршува и улогата на советник на „Олд Трафорд“ во ерата на новиот менаџер Ерик тен Хаг.
