Челси и Манчестер Сити постигнаа договор за трансферот на англискиот репрезентативец Рахим Стерлинг на „Стемфорд бриџ“. Тој ќе потпише договор до 2027 година, а Челси ќе плати отштета од 50 милиони евра. Со бонуси таа може да достигне и до 65 милиони евра.
Стерлинг одлучи да го напушти „Итихад“ ова лето, а Челси беше најзаинтересиран за негов ангажман. Тој треба да биде големо засилување за составот на Томас Тухел.
Стерлинг минатата сезона одигра 30 натпревари во Премиер – лигата, постигна 13 гола и забележа пет асистенции.
