МАКФУДБАЛ во Букурешт,
Никола Ѓуровски
Романија успеа да ја совлада фудбалската репрезентација на Македонија со 3-2 на Националната арена во Букурешт, на отворањето на квалификацискиот циклус за СП 2022. Селекторот на Романците, Мирел Радои, директно од изолација, откако доби два негативни теста непосредно пред мечот, успеа да седне на клупата и да слави триумф.
„Важна победа за нас. Македонија покажа дека е силна селекција, не е слулајно што се врати од 2-0 и израмни на 2-2. Но, во тие моменти и нашите фудбалери го покажаа карактерот и постигнаа победнички гол. Мора да напоменам дека игравме против учесник на Европско првенство, еден врвен тим предводен од квалитетен страгег, а дефинитивно екстра класа е Горан Пандев“, изјави Мирел Радои.
