Работнички загуби од Струга ТЛ, славеа Шкендија, Силекс и Гостивар, ама и Брера

Работнички и Струга ТЛ го одиграа дербито на колото на Националната арена, а славеа гостите со 0-1. Хоган Укпа беше стрелец на победничкиот гол во 54.минута откако со удар со глава ја затресе мрежата на Игор Алексовски.

Вардар беше домаќин против Тиквеш на теренот на ФФМ и рeмизираше 2-2. Заврши позитивната серија на вардарци. Берат Садик во 41.минута донесе водство за Тиквеш, а израмни Горан Закариќ во последните мигови на првиот дел. Тиквеш постигна нов гол во 53.минута преку Мишов, но Вардар во судиското продолжение израмни на 2-2 со голот на Фаустин Сенгор.

Шкендија оствари очекуван триумф против Воска со 4-0. Фитон Адеми обезбеди водство во 32.минута, а шест минути подоцна Фабрис Тамба зголеми на 2-0. Во вториот дел тетовци погодија уште двапати преку Бесарт Ибраими и Лорик Каба.

Силекс во Кратово играше против Беса и победи убедливо со 5-0. Алиќ ја отвори серијата во втората минута, Додев зголеми на 2-0, а Марко Ѓорѓиевски од пенал постигна трет гол за Силекс. Во вториот дел уште два гола на Марко Ѓорѓиевски за хет-трик и убедлив триумф на Силекс.

Гостивар славеше против Шкупи со 3-1. Демир Имери во петтата минута донесе предност за Шкупи, но израмни Дарко Глишиќ пет минути подоцна. Гостивар направи пресврт со голот на Ервин Ли во 67.минута, а во финишот постигна и трет гол преку Ринор Ајдини.

Пелистер во Битола ја пречека Брера и загуби со 1-2. Мартин Ѓорѓиевски во 38.минута донесе водство за Брера, а гостите постигнаа и втор гол за триумф во 70.минута. Пелистер погоди во финишот за 1-2.

ПРВА ЛИГА, 27.КОЛО – РЕЗУЛТАТИ

Работнички – Струга ТЛ 0-1

Пелистер – Брера 1-2

Вардар – Тиквеш 2-2

Шкендија – Воска 4-0

Силекс – Беса 5-0

Гостивар – Шкупи 3-1