Connect with us

Работнички се гордее со Елиф Елмас – Од академијата на клубот до „скудетото“ во Серија А

Македонскиот прволигаш Работнички упати честитки до својот поранешен фудбалер, македонскиот репезентативец Елиф Елмас, кој со тимот на Наполи го освои шампионскиот трофеј во Серија А.

Елмас израсна во прочуената младинска академија на ФК Работнички, а потоа преку Фенербахче се пресели во Наполи, и стана вториот Македонец по Горан Пандев што успеал да го освои „скудетото“.

„Беше поинаков уште од најмала возраст. Од него зрачеше неверојатен оптимизам и желба за успех. Отсекогаш имаше огромна самодоверба во своите фудбалски квалитети и не се плашеше да ги покаже ниту на своето деби во првиот тим на Работнички со едвај наполнети 16 години, ниту на дебито во репрезентацијата на Македонија.

Предодреден за да успее. Елиф Елмас.

Гордост на ФК Работнички, веќе голема ѕвезда во Серија А, но голем другар, пријател и сѐ уште скромно момче кое е еден од нас. Доаѓа да нѐ посети во секој слободен момент кога е во Скопје.

Тој е пример за сите млади од нашата академија, урнек дека талентот и потенцијалот не познаваат граници и дека и секое младо момче од Работнички може да ги достигне и европските величини, да го освои „скудетото“ во Серија А!

Честитки, Елиф, за тебе само небото е лимит. Веруваме дека ќе има уште многу трофеи, и посакуваме да ја оствариш и целта која ја зацрта уште додека беше во Работнички – „Златната топка“ !“, се вели во објавата на официјалниот сајт на ФК Работнички.

Advertisement
Advertisement
Advertisement

Facebook

Тимови