Работнички го победи Младост ДГ на „Медулин куп“, Беса поуспешна од Пелистер во Охрид

Работнички стигна до првата победа на „Медулин куп“ откако во третото коло од турнирот славеше против црногорскиот Младост ДГ со 2-1 во Хрватска.

Анес Рушевиќ во четвртата минута донесе водство за „романтичарите“, а младиот Марко Стефановски зголеми на 2-0 во 55.минута.

Црногорците постигнаа гол во 65.минута, но триумфот му припадна на Работнички.

На тестот во Охрид, Беса беше подобра од Пелистер и победи со 2-0. Стрелци на головите беа Арсим Љамалари и Адмир Љатифи.