Работнички го доби Силекс, Брегалница загуби од Македонија ЃП

Работнички успеа да стигне до победа (1-0) на дуелот против Силекс во 13.коло од Првата фудбалска лига. Стрелец на победничкиот гол беше Стефан Деспотовски во 54.минута, а домаќините половина час играа со фудбалер помалку поради исклучувањето на Влатко Стојановски.

Во Штип, Брегалница загуби од Македонија ЃП со 2-3. Три гола постигнаа “лавовите” во првиот дел, преку Мишевски, Стојков и Алији. Брегалница се обиде да се врати, постигна два гола преку Велковски и Калпачки, но, сепак, на крајот загуби.

Тиквеш во Кавадарци одигра 2-2 против Гостивар. Џелил Абдула и Атиемвен од пенал донесоа два гола позитива за гостите, но Тиквеш и со фудбалер помалку стигна до реми со головите на Спахиу и на Иван Ивановски.

Воска во Охрид ремизираше против Брера, 1-1. Ален Јашароски ги доведе домаќините во водство, но само четири минути подоцна израмни Галевски.

Утре се играат преостанатите два натпревари од 13.коло: Шкупи – Вардар и Струга Трим Лум – Шкендија.

ПРВА ЛИГА, 13.КОЛО – РЕЗУЛТАТИ

РАБОТНИЧКИ – СИЛЕКС 1-0

БРЕГАЛНИЦА – МАКЕДОНИЈА ЃП 2-3

ТИКВЕШ – ГОСТИВАР 2-2

ВОСКА – БРЕРА 1-1

утре (13 часот)

ШКУПИ – ВАРДАР

СТРУГА ТРИМ ЛУМ – ШКЕНДИЈА