Првата македонска лига е втора во светот, ама по бројот на откази за тренерите

Првата фудбалска лига на Македонија е второрангирана во светот, според бројот на сменети тренери за изминатата сезона.

Меѓународниот фудбалски институт CIES направи анализа на тренерските промени ширум светот, поточно во 60 најважни прволигашки натпреварувања на планетата.

Резултатот е неверојатен, Првата лига на Македонија е рангирана на второто место (90,9%), веднаш зад Премиерлигата на Босна и Херцеговина (91,7 %).

Единствен клуб во Првата македонска лига кој не го промени тренерот во текот на сезона беше Силекс, со кој раководи Горазд Михајлов.