Македонскиот репрезентативец Елиф Елмас денеска го има првиот работен ден како фудбалер на бундеслигашот Лајпциг. Тој со тимот одлета за Ла Манга, шпанскиот туристички центар каде Лајпциг ќе одработи мини подготовки пред продолжението на шампионатот во Бундес-лигата и настапот во осминафиналето на Лигата на шампионите против Реал Мадрид.
Елмас неколку дена пред почетокот на 2024 година го реализира својот трансфер од Наполи во Лајпциг за сума од 25 милиони евра.
Тој треба да биде наследник на легендарниот Емил Форсберг, фудбалерот кој цела деценија беше дел од Лајпциг, а се пресели во Њујорк Ред бул.
