Роберт Просинечки и официјално е нов тренер на Олимпија. Тоа е враќање за него во Љубљана, откако пред крајот од својата играчка кариера го носеше дресот на словенечкиот клуб.
Беше член на Олимпија во сезоната 2002/03, а дресот на словенечкиот клуб го облече по заминувањето од англискиот Портсмут. На клупата ќе го наследи Дино Скендер.
„Откако раководството на клубот, по низата неубедливи настапи и резултати кои не беа на очекуваното ниво, реши да го смени досегашниот стручен штаб, со гордост и задоволство ви претставуваме дека нов тренер на нашиот клуб е Роберт Просинечки. Не се случува секој ден да дојде вакво големо фудбалско име во Словенија. Имавме можност и ја искористивме“, објави Олимпија која во моментов е на третото место во словенечкиот шампионат.
Популарниот Жути ја започна својата тренерска кариера на клупата на Црвена Звезда, а подоцна ги предводеше Кајзериспор, Азербејџан, Босна и Херцеговина и Денизлиспор.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski