Двајца млади фудбалери, членови на селекцијата до 21 година, Марио Младеновски и Адријан Хајдари, се позитивни на коронавирусот. Тие нема да можат да одговорат на повикот на селекторот на младата фудбалска репрезентација до 21 година, Драги Канатларовски.
Младеновски и Хајдари се дефанзивци, што значи дека тој дел од тимот ќе биде значително ослабен пред стартот на новите квалификации и дуелите со Франција во Ле Ман и со Србија во Охрид.
Дополнително ќе биде познато дали селекторот Канатларовски ќе повика нови фудбалери на овие позиции.
