Македонскиот прволигаш Пелистер официјално објави дека приходот од билетите од дербито со Вардар ќе биде наменет за семејствата на трагично загинатите во страшната трагедија во Кочани.
„ФК Пелистер ја известува јавноста дека приходот од билетите од натпреварот Пелистер – Вардар во рамките на 25. коло ќе биде наменет за семејствата на трагично загинатите во дискотеката во Кочани. Ги повикуваме сите наши навивачи, симпатизери и љубители на фудбалот да учествуваат во оваа хуманитарна акција”, објави ФК Пелистер.
