Поранешната ѕвезда на Јувентус и на Манчестер Јунајтед, Пол Погба, е пред нов предизвик во својата кариера оти според реномираниот „Ле Паризиен“, 32-годишниот Французин е многу блиску до потпишување договор со Монако.
Двете страни веќе ги усогласиле личните услови, а договорот ќе биде со времетраење од две години. Погба направил значителен финансиски компромис за да го облече дресот на клубот од Кнежеството.
Иако доби примамлива понуда од Ал-Итихад, со значително повисока плата, Погба ја одби Саудиска Арабија и реши да остане во Европа, сакајќи повторно да се изгради како важна фигура на теренот.
Францускиот репрезентативец е без клуб откако Јувентус го раскина договорот со него во ноември, поради суспензија за допинг. Монако сега му нуди втора шанса да се врати на големата сцена.
