Францускиот играч од средниот ред Пол Погба е на прагот да ја реактивира својата кариера во бразилскиот клуб Коринтијанс, информираат тамошните медиуми.
Бразилскиот клуб активно работи на потпишување на договор со 31-годишниот Французин, кој моментно е слободен агент.
Погба исто така изразил желба да се приклучи на бразилскиот клуб. Во моментов двете страни водат интензивни преговори, кои се очекува да завршат успешно.
Пол Погба беше казнет со четиригодишна суспензија поради користење забранети супстанции, но Спортскиот арбитражен суд (CAS) ја намали казната на 18 месеци.
Фудбалерот ќе може да се врати на тренинзи уште овој месец.
