Тренерот на Милан, Стефано Пиоли, беше многу незадоволен од поразот од Удинезе со 0-1 на домашен терен. Тој ги критикуваше своите играчи за играта и рече дека по таков настап нормално е навивачите да исвиркуваат од трибините.
„Она што се случи е дека не одигравме како што можевме и сакавме. Колку повеќе притискавме, толку повеќе го губевме квалитетот. Дури и во деновите кога резултатите не доаѓаа, барем имавме добар настап. Сега не одигравме добро и бевме премногу хаотични. Мора да бидеме загрижени за нашите резултати. Знаевме дека ќе биде тежок натпревар бидејќи Удинезе не дозволува да влезете во ритам, но целата изведба едноставно не беше на нашите стандарди. Сега ова треба да ни даде мотив да одиме напред и многу подобро во следните натпревари“, изјави Пиоли.
„Јовиќ е централен напаѓач кој знае како да ја прими топката и да им ја подели на соиграчите. Ова е негов прв старт за нас, сакавме да користиме двајца напаѓачи за да играме на високи топки, но колку повеќе одминуваше играта, толку повеќе ја губевме самодовербата. Сигурен сум дека на располагање имам добри играчи со различни карактеристики. Направив поинаков избор бидејќи не беа достапни Пулишиќ и Чуквуезе. Многу е нормално навивачите да бидат несреќни и да не исвиркуваат бидејќи тоа не беше настапот што го посакувавме“, дополни тренерот на Милан.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski