Дефанзивецот на Интер, Бењамин Павар се врати на тренинзите, соопштија од клубот. Десниот бек учествуваше на денешниот утрински тренинг и голема е веројатноста да биде во составот на „нероаѕурите“ за неделното дерби со Лацио.
Францускиот репрезентативец е надвор од терените од 4 ноември и се очекуваше да пропушти приближно два месеци од сезоната поради повреда на коленото. Сепак, за опоравувањето на Павар му требаше многу помалку време и тој сега тренира со соиграчите.
Медицинскиот тим на Интер инсистира тој да не се вклучува толку брзо во натпреварите, а конечната одлука дали ќе игра в недела ќе ја донесе тренерот Симоне Инзаги.
Хуан Квадрадо, Дензел Дамфрис и Стефан де Фрај остануваат надвор од плановите за натпреварот против Лацио.
