Македонскиот репрезентативец Ферхан Хасани е нов член на албанскиот прволигаш Партизани Тирана. Тој денеска беше презентиран пред јавноста како големо засилување на клубот за вториот дел од сезоната.
Хасани потпиша договор на 18 месеци и веднаш треба да му се стави на располагање на тимот.
Напаѓачот изминатата сезона беше член на Хелсинки со кој ја освои шампионската титула во Финска, а настапуваше и за Ал Раед откако замина од Шкендија.
