Завршија подготовките, при крај се анализите, а адреналинот пука. За Горан Пандев ова е остварување на сонот, едне од последните мечеви, а истовремено и најважен. Историски. Македонија утре ќе дебитира на Европско првенство, тој ќе го предводи тимот со капитенската лента, а само неколку дена подоцна може да објави и дека заминува во пензија.
Но, далеку од тоа дека Пандев е за пензија. Игра како момче, а со посебна страст во дресот на македонската фудбалска репрезентација.
„Подготвени сме да го оставиме срцето на терен за нови радости. Мислам дека и нема подобри зборови за да искажат емоциите што ги има секој од нас, фудбалери, тренери, медиуми. Македонија е на Европско првенство, а тимот е подготвен да се носи со предизвикот и има квалитет за големи дострели. Ќе истрчаме на теренот утре против Австрија со посебна гордост и ќе сториме за да го израдуваме македонскиот народ и да постигмеме позитивен резултат“, изјави Горан Пандев.
