Овации за Марсело на „Бернабеу“: Модриќ му се поклони и му даде подарок (ВИДЕО)

Марсело официјално стави крај на својата блескава фудбалска кариера и заминува во пензија како еден од најголемите леви бекови на сите времиња.

Два дена по објавата на својата одлука, 36-годишниот Бразилец пристигна во Мадрид, каде што на преполниот „Сантијаго Бернабеу“ му беше приредено емотивно испраќање.

Marcelo honoured by Real Madrid.

Thank you. 🤍 pic.twitter.com/44agzfT0Tb

— TC (@totalcristiano) February 8, 2025

Пред почетокот на дербито против Атлетико, Марсело последен пат зачекори на теренот и доби специјален подарок од Лука Модриќ, кој му оддаде почит поклонувајќи му се.

Со 721 одигран натпревар, 58 голови и 117 асистенции, Марсело беше незаменлив дел од Реал Мадрид во текот на 16 години. За тоа време освои пет титули во Лигата на шампионите, шест трофеи во Ла Лига, два Купа на Кралот, пет трофеи во Суперкупот на Шпанија и три титули на Светското клупско првенство.

Кариерата ја започна во Флуминенсе, клубот каде што ги направи првите фудбалски чекори, а во завршната фаза накратко настапуваше и за Олимпијакос.