Шефот на стручниот штаб на Шкендија, Ќатип Османи пред утрешниот реванш натпревар од првото квалификациско коло за Лигата на шампионите вели дека победата од Талин ништо не значи и мора „црвено-црните“ повторно да играат на триумф и во Скопје.
Шкендија славеше со 0-1 на гостински терен со погодокот од пенал на Агим Ибраими во 81. минута…
„Не очекува реванш мечот со Номе Калју. Имаме предност, ги анализиравме добрите и лошите страни на противникот, свесни сме и за квалитетот наш и се надеваме на пласман во следната рунда. Но, мора да нагласиме дека резултатот од Талин ништо не гарантира. Влегуваме максимално сериозно и на утрешниот реванш за да ја оствариме целта“ – истакна Османи на денешната прес-конференција.
Османи на располагање за утрешниот дуел ќе го има и најновото засилување, Бразилецот Хуан Фелипе.
„Да, Фелипе е во комбинација за настап. Не е добро физички подготвен, но ќе биде со екипата. Зависи од резултатот дали ќе дебитира“ – вели Османи.
Натпреварот меѓу Шкендија и Номе Калју се игра утре со почеток од 17 часот на националната арена „Тодор Проевски“ во Скопје.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski