Во четвртокот ја обезбедија шампионската титула во Удине, но фудбалерите на Наполи продолжија со победи и против Фиорентина (1-0) во 34. коло од Серија А, на распродадениот стадион „Диего Армандо Марадона“ пред 55.000 гледачи. Победникот го реши Нигериецот Виктор Осимхен од пенал во 74. минута.
Тоа беше негов 47. гол во Серија А, со што стана најефикасниот африкански фудбалер во италијанското првенство, престигнувајќи го легендарниот Жорж Веа.
На улиците на Неапол, знамињата на Наполи се веат на речиси секоја куќа, а по 33 години чекање, „наполитанците“ го живеат својот сон.
