Навивачите на Олимпик Марсеј очекуваа сигурна победа на својот тим во вечерашниот натпревар против Оксер во новата рунда од Лига 1, но гостите приредија изненадување и славеа со 1-3 на „Велодром“.
Оксер доминираше уште во првото полувреме, постигнувајќи три гола и практично осигурувајќи ја победата. Ласин Синајоко го отвори резултатот во десеттата минута, а Гаетан Перин го зголеми водството на 0-2 во 43-та минута. Непосредно пред полувремето, Хамед Траоре постигна трет гол, оставајќи го Марсеј во сериозен заостаток.
Во второто полувреме, Олимпик Марсеј не успеа да се опорави од почетниот шок. Единствениот погодок за домашниот тим го постигна Мејсон Гринвуд од пенал во 65-та минута.
