Букмејкерите во Велика Британија значително ја намалија квотата за Жозе Мурињо да биде нов тренер на Челси. „Специјалниот“ сега е трет фаворит за лондонскиот клуб.
Пред него се тренерот на Лестер, Енцо Мареска и стратегот на Ипсвич, Рајан Меккена, стручњаци кои ги пласираа своите тимови во Премиер – лигата, додека зад Мурињо се Рубен Аморим, Роберто де Зерби, Томас Франк.
Дали овој знак оди според поговорката „каде има чад, има оган“, тешко е да се погоди, но нема сомнеж дека доведувањето на 61-годишниот Мурињо би бил интересен и веројатно популарен потег меѓу навивачите на Челси.
Мурињо во првиот период го предводеше Челси од 2004 до 2007 година, освои две последовни титули во англиската Премиер – лига, два Лига купа, еден ФА Куп и Комјунити Шилд, а од 2013 до 2015 година ги освои Премиер – лигата и Лига купот.
