Нокаут за Ајакс во Амстердам: ПСВ го освои Суперкупот на Холандија (ВИДЕО)

Ајакс и ПСВ Ајндховен ќе имаат уште една неизвесна трка за шампионската титула во Холандија, но ако се суди според првата пресметка, тогаш тимот од Ајндховен е поблиску до трофеите. Првиот го освои вечерва на арената „Јохан Кројф“ во Амстердам декласирајќи го Ајакс со 0-4.

Нони Мадуеке уште во третата минута ја покажа брзината и го доведе ПСВ во водство, а потоа зголеми и на 0-2 во 29.минута. Шансите за Ајакс драстично се намалија откако Николас Талјафико во 40.минута заработи црвен картон.

Во вториот дел, Јорбе Вертесен беше стрелец на третиот гол, а серијата ја затвори Марио Геце во 89.минута од дуелот.