Голманот на Баерн Минхен, Мануел Нојер, е блиску до враќање на теренот, пренесуваат германските медиуми. Тој не игра од лани во ноември поради повреда од која се опоравуваше подолго време.
Нојер ја скрши ногата додека беше на одмор во ски-центар по завршувањето на кампањата на Германија на Светското првенство во 2022 година во Катар. Тогаш на голманот му беше констатирана фрактура на десната тибија.
Нојер би можел да се врати на голот на Баварците на 21 октомври во Бундес-лигата против Мајнц или три дена подоцна, на 24 октомври, за дуелот од третото коло во групната фаза во Лигата на шампионите против Галатасарај.
