Македонскио репрезентативец Бобан Николов има нов тренер во италијанскиот второлигаш Лече. На местото на Еугенио Корини довербата на раководството на Лече ја доби Марко Барони. Тој потпиша едногодишен договор со клубот, со опција и за понатамошно продолжување на соработката. Барони во минатото беше и играч на Лече во периодот од 1987 до 1989 година.
Николов исто така очекува продолжување на договорот со Лече. Тој во јануари потпиша договор на шест месеци, плус три години. Најавите од Италија се дека договорот на Николов ќе биде продолжен, а Лече ќе атакува на пласман во Серија А.
