Николче Шаркоски потпиша за Воска

Новиот македонски прволигаш Воска Спорт го доведе Николче Шаркоски за ново засилување. Тој доаѓа од Работнички и потпиша двегодишен договор со клубот од Охрид.

Шаркоски е поливалентен фудбалер кој може да игра на десната странична позиција, но и во средниот ред и сигурно ќе донеде дополнителен квалитет и искуство во составот на Воска.

Минатата сезона во дресот на Работнички тој одигра 25 натпревари, постигна еден гол и забележа три асистенции.