Неверојатен скандал деновиве ја тресе француската јавност откако беше претепана фудбалерката на ПСЖ, Кеира Хамрауи, а за се беше обвинета нејзината соиграчка Амината Диало.
Француските медиуми пред неколку дена објавија дека Диало била обвинета зошто им платила на маскирани лица да ја пресретнат Хамрауи на улица и да ја претепаат, а таа наводно имала причина за тоа.
Наводно, Диало тоа го направила затоа што била лута што Хамрауи го зазела нејзиното место во стартниот состав на ПСЖ и сакала да се одмазди. И таа беше уапсена, но набрзо беше ослободена.
Нападот се случил на 4 ноември, а Хамрауи се здобила со посериозни повреди и во се веднаш се вклучила и полицијата. Диало беше првата осомничена, но се покажа дека таа нема никаква врска со нападот.
Француската јавност беше шокирана кога беше објавено дека најверојатно зад нападот стои поранешниот француски репрезентативец Ерик Абидал.
Медиумите во Франција објавија дека Абидал сега е главен осомничен и се верува дека токму тој го организирал нападот на фудбалерката на ПСЖ со која бил во тајна љубовна врска која заврши минатото лето.
Очигледно дека мотивот за нападот лежи во љубовна одмазда.
