Поради снежните врнежи и лошите временски услови, Фудбалската федерација на Македонија донесе одлука да одложи два натпревари од 15.коло во Првата фудбалска лига. Во Кратово и во Струга во моментот нема услови за играње фудбал.
Натпреварите Силекс – Вардар и Струга Трим Лум – Воска Спорт се одложени за 6. декември, со почеток во 13 часот.
Останува денеска да се одиграат три натпревари: Работнички – Гостивар, Шкупи – Македонија ЃП и Тиквеш – Брера. Вчера Брегалница и Шкендија одиграа 2-2.
