Наполи и Интер одиграа 1-1 на „Диего Армандо Марадона“ во Неапол, во дербито кое можеше да биде клучно во битката за титулата. На крајот, Интер задржа минимална предност во однос на Наполи, но тимот на Антонио Конте избори вредно реми во завршницата и остана во трката за „скудетото“.
Филип Билинг го постигна израмнувачкиот гол за Наполи во 87. минута, предизвикувајќи еуфорија на трибините.
Домаќините одиграа далеку поофанзивно во вториот дел и заслужено дојдоа до гол. Интер поведе во 22. минута со фантастичен погодок од слободен удар на Федерико Димарко, но во второто полувреме се фокусираше на одбрана и не успеа да го задржи водството.
