Kвича Кварацкелија и Наполи продолжуваат со преговори за обновување на договорот, но според „Газета дело спорт“ сè уште нема договор околу платата и клаузулата за ослободување, додека ПСЖ и Барселона остануваат заинтересирани за грузискиот играч.
Наполи сака да го продолжи договорот на Кварацкелија до после 2027 година, но сè уште не е постигнато спогодба со играчот и неговиот агент Мамука Југели.
Според информациите, главен проблем во преговорите е клаузулата за ослободување на 23-годишниот играч. Наполи сака да постави клаузула од 100 милиони евра, додека агентот на играчот претпочита таа сума да остане околу 80 милиони евра.
Кварацкелија во моментов заработува само 1,5 милиони евра годишно, а Наполи му понудил 5 милиони евра плус бонуси, што би му овозможило да стане најдоброплатен играч во тимот, изедначувајќи се со Ромелу Лукаку, кој добива 6 милиони евра годишно.
Преговорите ќе продолжат во наредните денови, кога претседателот Аурелио де Лаурентис ќе се врати од САД. Наполи е свесен за интересот од Барселона и ПСЖ и веќе ја одби понудата од 100 милиони евра од францускиот гигант минатото лето.
