Младинскиот репрезентативец Марко Ѓорѓиевски повторно е во центарот на вниманието во второлигашката конкуренција.
Борец Велес изминатово коло триуфираше убедливо со 7-1 против Детонит јуниор, а Ѓорѓиевски постигна дури четири погодоци со што се издвојува како играч и на 19. коло во изборот на МАКФУДБАЛ. Ѓорѓиевски претходно беше најдобар играч и на 15. коло во Втората лига.
Велешани силно грабат кон елитата за следната сезона, а Ѓорѓиевски дефинитивно е еден од централните фудбалери на кои се темели играта на составот на Горазд Михаилов на патот кон прволигашкото друштво.
