Германскиот првак Баерн Минхен беше голем фаворит на гостувањето против Салцбург, но едвај избегна пораз со голот на Кингсли Коман во 90.минута од натпреварот. Австријците поведоа со голот на Адаму во 21. минута, а Баерн одговори дури на крајот.
Тренерот на баварците, Џулијан Нагелсман, по натпреварот истакна дека Баерн Минхен на реваншот ќе мора да одигра многу подобро.
„Ќе мора многу работи да подобриме за реваншот. Овој настап не беше доволно добар. Не бевме агресивни во делот на пресингот, не го принудивме противникот да греши. Направивме одредени промени на полувремето и бевме подобри во вториот дел, но далеку од тоа од нивото на Баерн“, изјави Нагелсман.
