Второлигашкиот фудбал и во билтенот на МВР. Против четворица фудбалери на Дрита се поднесени пријави поради физички напад кон играч и член на Гостивар.
„На 27.03.2021, по завршување на фудбалскиот натпревар помеѓу екипите на ФК „Дрита“ од с.Боговиње и ФК „Гостивар“ од Гостивар, на фудбалското игралиште во с.Боговиње, Г.Б., Н.М., Н.М. и Б.А., фудбалери на ФК „Дрита“, физички ги нападнале играчот од ФК „Гостивар“, Х.Л.(26) и членот на ФК „Гостивар“ Н.С.(40), додека С.М. како организатор, не постапил според здравствените прописи за време на епидемија согласно одлуката на Владата, односно дозволил публика на трибините на стадионот, иако од полициски службеници од Полициското одделение Камењане бил предупреден при пријавување на натпреварот“, стои во објавата на МВР.
ФФМ веќе ја „дисциплинираше“ Дрита за овој инцидент со парична казна, но не и со суспензија на теренот.
