МАКФУДБАЛ на ЕВРО во Букурешт,
Никола Ѓуровски
Фудбалската репрезентација на Македонија го загуби првиот меч на ЕВРО. „ЦРвено-жолтите“ беа поразени од Австрија со 3-1.
Дефанзивецот Висар Муслиу признава дека Македонија имаше послабо издание во второто полувреме.
„Австрија на почетокот постигна гол, а ние успеавме брзо да се вратиме. Потоа одлично париравме, бевме добро организирани се до тој кобен втор гол. Падна концентрацијата и Австрија тоа знаеше да го искористи. Мислам дека моѓевме подобро да одиграме во второто полувреме. Имавме свои шанси, ако ги искористивме, мечот можеше да има сосема друг тек. Сега останува да се кренеме по поразот и да одиме на победа на мечот против Украина. Мораме да ја задржиме концентрацијата во текот на сите 90 минути“, изјави Висар Муслиу.
Вториот меч на ЕВРО, Македонија го игра на 17 јуни против Украина, на Националната арена во Букурешт.
