Португалскиот стратег Жозе Мурињо вечерва би можел да се збогува со Рома. Според италијанските медиуми, тој донел одлука и по две години сака да го напушти Рим. Мурињо има договор за уште една сезона, но не е задоволен од вложувања на семејството Фридкин во тимот.
„Немаме ист буџет, Севилја има посилен тим, ние сме семејство, но имаме играчи кои играа во втората лига до оваа година“, изјави Португалецот.
Португалецот нема да ја води Рома на последниот натпревар од Серија А бидејќи е суспендиран, па ова би можел да биде негов последен натпревар како предводник на „волчицата“. За него сериозно е заинтересиран Пари Сен Жермен.
